Asociacioni i Komunave të Kosovës organizoi takimin e rregullt me partnerët e saj në takimin “Miqtë e AKK-së” në Prishtinë, me qëllim të bashkëpunimit dhe koordinimit të aktiviteteve me partnerë të përfshirë në aktivitetet dhe projektet e qeverisjes lokale në Kosovë.
Në këtë takim ku morën pjesë përfaqësuesit e organizatave partnere dhe mbështetësve të AKK-së, fjalën hapëse e mbajti z.Sazan Ibrahimi, Drejtor Ekzekutiv i AKK-së ku njoftoi të pranishmit në pika të shkurta për natyrën dhe qëllimin e takimit, pjesëmarrjen e Asociacionit në Grupet Punuese bazuar në Agjendën Legjislative të Qeverisë, pastaj theksoi rolin e veçantë dhe rëndësinë e bashkëpunimit me partnerët qe merren me qeverisjen lokale në projekte të ndryshme në interes të komunave, po ashtu në veçanti theksoi përfshirjen dhe koordinimin e përbashkët gjatë lobimit në interes të autoriteteve lokale.
Ndërsa z. Gani Berisha – Menaxher i Programit në AKK, bëri prezantimin e arritjeve të Asociacionit të Komunave gjatë vitit 2022 përmes punës dhe angazhimit në fusha të ndryshme, me qëllim të forcojë dhe të intensifikojë më tej përfshirjen e saj në funksion të përfaqësimit dhe mbrojtjes së interesave të komunave, fuqizimit të strukturave të reja të AKK-së. Z.Berisha paraqiti edhe panët e punës të Asociacionit për vitin 2023 dhe bashkëpunimin me partnerët.
Në anën tjetër znj.Lindita Ymeri- Menaxhere e Qendrës së Trajnimit paraqiti arritjet në fushën e ngritjes së kapaciteteve të Komunave dhe planet për vitin 2023 të Qendrës së Trajnimit të Asociacionit të Komunave të Kosovës.
Nga shumica e pjesëmarrësve, përfaqësues të organizatave partnere të AKK-së u paraqitën edhe aktivitetet e tyre në fushat e ndryshme ku mund të ketë bashkëpunim dhe koordinim të aktiviteteve të përbashkëta së bashku me komunat në realizimin e objektivave të qarta të cilat kanë gjatë mandatit të tyre këto organizata.
Në takimin “Miqtë e Asociacionit të Komunave” morën pjesë përfaqësuesit e SDC, SIDA, USAID, GIZ, CoE, DEMOS, OSCE, OFAP, AQH, Swiss Contact, EU/GFA, NALAS etj.
P.S. Përkthimi në gjuhën angleze dhe serbe është i automatizuar me AI.
